Google estrea un servizo de tradución de aplicacións para Android
martes, 12 de novembro do 2013
Os creadores de aplicacións para Android que queiran ampliar
os seus mercados internacionais poden
gozar dende agora do servizo de traducións de aplicacións presentado no Google
I/O do pasado mes de maio, e que leva meses funcionando en probas para
comprobar o bo funcionamento desta nova solución para a localización de
aplicacións a distintos mercados, o que nalgunha das experiencias piloto chegou
a cuadriplicar a base de instalación dalgúns xogos para Android.
O servizo de tradución de aplicacións é de pagamento, e o desenvolvedor poderá
elixir as linguas ás que quere que se traduza o seu produto, para o que dende
Google tamén fan suxestións (advertindo, por exemplo, de paÃses nos que
aplicacións semellantes son populares, axudando asà a detectar oportunidades).
As traducións asignaranse a un tradutor profesional co que será posible
establecer comunicacións para garantir un bo traballo, e os prezos dependerán
do tamaño das aplicacións, estando habitualmente entre
os 75 e os 150 dólares.