Innovación presenta un DVD con aplicacións de software libre para a PEME

A Dirección Xeral de Promoción Industrial e Sociedade da Información presentou en Santiago un DVD con ferramentas informáticas de software libre, de balde e en galego que pretenden atender as necesidades informáticas das PEME galegas para o manexo das súas contabilidades, a xestión dos seus recursos, levar a súa comunicación e facer uso das TIC en galego.
O DVD distribuirase a pequenas e medianas empresas, así como ás asociacións empresariais, cámaras de comercio e outros organismos intermedios para dar a coñecer as vantaxes do uso do software libre nas empresas.
A selección e tradución das aplicacións incluídas no DVD foron coordinadas por Mancomun.org, e supoñen unha oportunidade de negocio para as empresas tecnolóxicas galegas de desenvolver unha industria informática baseada nos servizos e nos produtos informáticos propios.