Instagram e Messenger permiten fusionar as súas mensaxerías

Non conformes co anuncio da sincronización de elementos nas configuracións de Facebook, Instagram e Messenger, hoxe tamén dan conta da actualización da mensaxería privada dentro de Instagram, que agora intercomunica con Messenger, para o que tiveron que levar a Instagram características do Messenger, sendo esta evolución da mensaxería de Instagram totalmente voluntaria para o usuario.
Deste xeito Instagram ten unha maior utilidade para facilitar a comunicación interpersoal, e reciben novidades como os autorretratos adhesivos (mestura entre Boomerang, emoticonas e selfies), a posibilidade de ver vídeos de IGTV con amigos durante unha videochamada ou a opción de poder marcar que unha mensaxe desapareza tras a súa lectura.
Tras fusionar as mensaxerías de ambas aplicacións os usuarios poden elixir cal empregan de xeito principal, de xeito que un usuario de Messenger pode conversar cun de Instagram sen instalar a segunda aplicación (e viceversa).
A fusión entre a mensaxería de Instagram e a do Messenger están a espallarse progresivamente por distintos países, polo que pode tardar semanas en estar dispoñible globalmente.