O CPEIG celebra o vindeiro dÃa 28 a terceira Noite da EnxeñarÃa en Informática de Galicia
martes, 4 de outubro do 2011
- Premiados, representantes públicos e privados do sector e membros do propio CPEIG, na edición do ano pasado
Un ano máis, o Colexio Profesional en
Enxeñeiros de Informática de Galicia, CPEIG, organiza o que ben pode
considerarse a festa anual das/os traballadoras/es TIC. Falamos da Noite da EnxeñarÃa en Informática
de Galicia, unha celebración que vai pola súa terceira entrega e que
conmemora, entre outras moitas cousas, que aquà na nosa terra estamos a facer
as cousas tecnolóxico-dixitais do mellor xeito posÃbel, e sen que sexa preciso
ollar cara ao lonxe para ver innovación e profesionalidade de primeira. Amais
disto, tamén se celebra o diálogo cada vez máis fluÃdo, cada vez máis completo,
entre o noso colectivo de enxeñeiras/os en informática e tódolos eidos
produtivos que se poden beneficiar do seu labor. A Noite, que se celebra o
vindeiro 28 de outubro no Hostal dos Reis Católicos de Santiago, contará coa
presenza de Alberto Núñez Feijoo, presidente da Xunta.
A cita, á que están convidados diversos
representantes das nosas administracións públicas (directa ou indirectamente
implicadas no desenvolvemento tecnolóxico-dixital) e do noso eido educativo,
servirá tamén como punto de encontro dos profesionais das novas tecnoloxÃas da
información na nosa terra. Por certo que a Noite contará, para o seu
desenvolvemento, coa presenza do monologuista e presentador Miguel Lago.
A presenza de profesionais da informática será,
en definitiva, máis que notábel, sobre todo se temos en conta que o CPEIG conta
a dÃa de hoxe cuns 325 integrantes. No transcurso da celebración, amais do devandito, os membros da colexio farán entrega dos recoñecementos aos traballos máis salientábeis desenvolvidos ao longo deste ano no ámbito da EnxeñarÃa en Informática. Serán en total sete premios, dos que iremos informando ao longo dos vindeiros dÃas, punto por punto.
O colexio
O Colexio Profesional de EnxeñarÃa en Informática de Galicia (CPEIG) constituiuse en decembro de 2007 como corporación de dereito público e de carácter profesional con personalidade xurÃdica propia que se rexe pola normativa vixente na materia e polos seus estatutos.
Cunha estrutura interna democrática e independente das administracións
públicas, o colexio agrupa obrigatoriamente a todas as persoas que, tendo o
tÃtulo oficial de EnxeñarÃa en Informática ou Licenciatura en Informática,
desenvolvan actividades propias da profesión en Galicia.
Na actualidade o CPEIG suma 325 colexiados e colexiadas.