O Centro Demostrador TIC mostra como establecer e usar unha licenza libre
venres, 19 de maio do 2017
A
Axencia
para a Modernización Tecnolóxica de Galicia (AMTEGA) a través do
Centro Demostrador TIC (CDTIC) organiza o curso Como establecer e
como usar unha licenza de software libre e que implicacións ten para
a miña empresa. Nesta actividade formativa explicarase que é
unha licenza de software e quen pode establecela, e trataranse
conceptos básicos sobre a propiedade intelectual. Tamén se fará
unha introdución ás licenzas especÃficas para publicacións.
Finalmente, verase algún exemplo práctico orientado ao eido
empresarial sobre como establecer unha licenza ou que aspectos cómpre
ter en conta á hora de escoller un software de terceiros.
O
curso está principalmente orientado a empresas que queren publicar
algún contido con licenzas abertas ou teñen a necesidade de
integrar outros compoñentes de programas open source nos seus
proxectos ou fluxos de traballo.
A
persoa encargada de impartir o obradoiro será Pablo Sanxiao Roca,
enxeñeiro técnico en Informática pola Universidade da Coruña e
mestrado en Software Libre pola Universidade Rey Juan Carlos I. Pablo
é socio fundador de iCarto, empresa especializada en tecnoloxÃas de
información xeográfica open source, consultor especializado
en software libre e colaborador na Oficina de Coordinación de
Software Libre da AMTEGA. Ademais, é membro da GNOME Foundation, do
capÃtulo hispano-falante da Fundación OSGeo e do Board do Comité
de Dirección Técnica de gvSIG. A maiores, é socio fundador de
Ghandalf, asociación para a difusión do software libre en Galicia.