O Concello de Santiago instalará 45 computadores nos centros socioculturais do rural
mércores, 11 de maio do 2022
O
Concello
de Santiago anunciou que dotará a oito Centros Socioculturais do
ámbito rural compostelán con 45 equipamentos informáticos para o
seu uso público. Farao ao abeiro de Plan de Obras e Servizos
(POS+) da Deputación da Coruña correspondente ao ano 2020.
A
Rede de Centros Socioculturais do Rural recibirá nas próxima
semanas un total de 45 ordenadores de sobremesa e monitores para
reforzar o servizo ofrecido ás súas usuarias e usuarios. Os
equipamentos serán distribuÃdos de tal maneira: 8 para o CSC de
Grixoa, 8 para o CSC de Nemenzo, 8 para o CSC de Busto, 8 para o CSC
de VerdÃa, 4 para o CSC de Marantes, 3 para o CSC de Enfesta, 3 para
o CSC de Santa Cristina de Fecha e 3 para o CSC de Figueiras.
O
subministro, instalación, configuración e posta en marcha destes
equipamentos será levado a cabo pola empresa Micromedia S.L., que
resultou a gañadora da licitación por ter ofrecido a proposta máis
vantaxosa, e que foi aprobado pola Xunta de Goberno celebrada o
pasado 11 de abril. O orzamento asignado a esta adxudicación é de
28.109,51 € e o contrato terá unha duración de dous meses.