OcioenGalicia.com estrea axenda sociocultural de Santiago de Compostela
mércores, 6 de xuño do 2012
A empresa luguesa Paralelo 43, tras a boa acollida da súa
axenda cultural en liña baixo o dominio OcioenLugo.com, decidiu ampliar as súas
miras transformándoo nunha especie de portal cultural de ámbito autonómico que pechou 2011 con
400.000 visitas, 3 millóns de páxinas vistas e máis de 33.000 usuarios mensuais,
demostrando a demanda que teñen estes contidos na nosa comunidade, e aínda que
inicialmente OcioenGalicia.com limitase a súa segmentación de contidos ás
capitais de provincia galegas, veñen de incorporar unha nova lapela á súa
páxina web que facilita a consulta
de actividades de lecer en Santiago de Compostela.
Esta plataforma informativa é especialmente interesante por permitir dar a
coñecer concertos, monólogos, exposicións e eventos de todo tipo totalmente de
balde, que pasarán a figurar na axenda sociocultural de OcioenGalicia.com,
neste espazo en liña no que tamén podemos obter información sobre a carteleira
cinematográfica, a restauración e outras informacións de interese para os
turistas.