Os SuSE Expert Days chegan a Santiago da man do CPEIG e AGASOL
martes, 7 de marzo do 2017
Os SuSE
Expert Days son un programa internacional e itinerante de
xornadas arredor do sistema operativo SuSE e das potencialidades que
achegan as súas ferramentas libres (lanzadas e mantidas pola empresa
do mesmo nome) para axudar ás empresas a afrontar nas mellores
condicións posíbeis os retos da transformación dixital e a
Industria 4.0. A
xira, segundo nos conta o Colexio Profesional de Enxeñaría en
Informática (CPEIG) vai facer unha recalada en Santiago o vindeiro
16 de marzo. Será na Cidade da Cultura e contarase coa
colaboración (precisamente) do CPEIG e máis de AGASOL (a Asociación
Galega de Software Libre). Segundo informan, “trátase dunha
oportunidade para coñecer, nunha soa mañá, as novidades SuSE para
o presente ano”.
Nun plano máis concreto, grazas a esta cita os
asistentes poderán achegarse ás tendencias en eidos de interese
para os profesionais e as PEME como a transformación dixital e a
cultura DevOps. Asemade, as persoas inscritas terán a oportunidade
de entrar no sorteo dunha Raspberry Pi 3 B co sistema operativo SuSE
Linux Enterprise Server for ARM.
O encontro terá lugar na Cidade da Cultura, en
Santiago de Compostela, no Centro de Innovación Cultural CINC,
Auditorio 1, consonte ao seguinte programa:
· 9:00 - 09:30
Café de benvida
· 09:30 - 09:45
Presentación dos SuSE Expert Days
· 09:45 - 10:00
Colexio Profesional de Enxeñaría en Informática de Galicia
· 10:00 - 10:30
O ecosistema de software libre en Galicia (AGASOL)
· 10:30 - 11:30
Transformación dixital. SuSE: Estratexia e futuro
· 11:30 - 11:45
Café
· 11:45 - 12:20
Cara ao novo centro de datos: OpenStack, CloudFoundry, Ceph e
Colectores
· 12:20 - 12:50
Transformación dixital: Sistemas de Misión Crítica: SAP,
ZeroDowntime e HA con demostracións de LivePatching, full system
rollback e MS SQLServer en HA
· 12:50 - 13:40
DevOps: Arquitectura, estratexia e modelo. Developer tools, SLES
for Raspberry Pi e Containers as a Service Platform:
MicroOS+Docker+Kubernetes
· 13:40 - 14:20
SuSE OpenStack Cloud. Integración de OpenStack con Kubernetes e
Docker, HA e non-disruptive update con demostración.
· 14:20 - 14:30
Preguntas
· 14:30 - 15:30
Xantar