Os dispositivos electrónicos con USB-C deberán indicar claramente se inclúen cargador

xoves, 20 de abril do 2023 Marcus Fernández

En outubro ratificouse a nova lexislación europea que a finais de 2024 obrigará a que os móbiles, tabletas e cámaras que se vendan na Unión Europea poidan cargarse mediante conectores USB-C, tendo España un ano para adaptar a Directiva Europea á lexislación española, e o Ministerio de Asuntos Económicos e Transformación Dixital xa tería redactado o proxecto de Real Decreto polo que se modifica a lexislación actual, incorporando algún elemento adicional á norma europea.
A principal novidade que teríamos en España sería a posibilidade de que en certas categorías de dispositivos electrónicos sen cargador tivese que informarse claramente de ser o dispositivo vai ou non acompañado de cargador (en forma de pictograma na embalaxe e preto do prezo nas compras a distancia), para que no momento da compra o consumidor poida decidir se adquire ou non un cargador ao mercar o dispositivo novo.

PUBLICIDADE