Santiago acolle esta semana unha xuntanza entre os nosos sectores TIC e téxtil co fin de favorecer a transferencia de innovacións
luns, 18 de marzo do 2013
Será
do 20 ao 22 de marzo cando a Axencia
para a Modernización Tecnolóxica de Galicia (AMTEGA) e o
Clúster
Téxtil-Moda Galicia (COINTEGA) en colaboración con Red.es
poñan en marcha no compostelán Centro
Demostrador TIC a I
Semana Tecnolóxica adicada ao téxtil galego. Esta primeira
edición quere reunir ao sector tecnolóxico e ás empresas galegas
do téxtil co gallo de facer máis doada a transferencia de
necesidades e solucións TIC. Emporiso, a Semana TIC atópase
inserida no obxectivo do Centro Demostrador de cara a facer máis
sinxela a incorporación da tecnoloxÃa aos negocios das microPEME e
autónomos para convertelos deste xeito en máis competitivos.
Asemade, nesta xuntanza as empresas tecnolóxicas poderán descubrir
as necesidades especÃficas de cada sector e adaptar a súa oferta ás
necesidades reais dos diferentes sectores produtivos.
Na
xornada do 20 de marzo presentarase o Catálogo ModaTIC.gal, o
primeiro catálogo de provedores e solucións TIC galegas para ao
téxtil. Dicir que a oferta tecnolóxica recollida no dito Catálogo
realizouse en colaboración coas asociacións tecnolóxicas galegas:
AGASOL, AGESTIC, Cluster TIC, EGANET e INEO, asà como da plataforma
tecnolóxica TIC, Vindeira. Logo desta presentación celebraranse
varias mesas de debate onde expertos TIC do téxtil responderán ás
dúbidas en áreas como a xestión, os puntos de venda ou a
loxÃstica. Na sesión do 21 de marzo, Red.es organizará o
obradoiro Vendes en Internet?, que abranguerá aspectos chave
para xestionar un negocio en Internet (como crear unha marca, tirar o
máximo proveito das redes sociais e á web 2.0, como organizar a
loxÃstica do negocio online, a fiscalidade ou a normativa
pola que se rexe o e-Commerce). Engadir que o obradoiro poderá
seguirse por videoconferencia nas aulas CeMIT da Coruña, Ortigueira,
Padrón, Pontedeume, Celanova, LalÃn, Ponteareas e Pontevedra. O
derradeiro dÃa da Semana Tecnolóxica -o 22 de marzo-
centrarase en demostracións prácticas: solucións tecnolóxicas,
que lles aporta a súa empresa, como se integra con outros sistemas
de información, intercambiar tarxetas, folletos, catálogos, etc.
Poderase seguir e interactuar cos participantes mediante o uso en
Twitter do hashtag ou etiqueta #ModaTICgal, ou mandando unha mensaxe a través
do Facebook da iMit.
Subliñar
que a asistencia a todas as actividades é de balde -condicionada aos
aforos dos locais- previa inscrición nas canles habilitadas. Máis
información na web do CDTIC.