Telegram supera os 1.000 millóns de instalacións

luns, 30 de agosto do 2021 Marcus Fernández

Datos de Sensor Tower sosteñen que Telegram teríase convertido na 15ª aplicación móbil a nivel mundial en superar os mil millóns de descargas, como xa fixeron no seu día aplicacións como WhatsApp, Messenger, Facebook, Instagram, Snapchat, Spotify ou mesmo Netflix, aínda que cómpre salientar que este xeito de contar as instalacións non contabiliza as aplicacións de Google preinstaladas en móbiles Android.
Dado que a propia Telegram consideraba o ano pasado que 400 millóns de usuarios activos (actualmente supera os 500 millóns de usuarios), estamos ante un indicador moi difícil de ponderar, aínda que non hai dúbidas en que conseguir tal volume de instalacións en menos de 8 anos é todo un logro.
Os países nos que Telegram tería máis instalacións serían India (22%), Rusia (10%) e Indonesia (8%), de aí que o éxito desta aplicación teña certo nesgo xeográfico, e non hai dúbida en que a distancia que separa a Telegram de competidores como WhatsApp segue a ser abismal.

PUBLICIDADE