Tesla trae a súa Powerwall a España

Tesla leva bastantes anos ofrecendo baterías para o fogar, e finalmente é posible adquirir en España unha Powerwall, batería pensada para acumular enerxía e así poder, por exemplo, aproveitar de noite a enerxía captada por paneis solares durante o día, resultando tamén de grande utilidade ante cortes de subministro.
Este tipo de batería poden programarse, de xeito que incluso podemos configurar a Powerwall para aforrar na factura eléctrica, cargando cando a corrente estea máis barata e empregando a batería nos horarios con tarifas máis elevadas.
A Powerwall pode instalarse en interiores e exteriores (ten resistencia IP67), e colocarse tanto contra unha parede como no chan, sendo posible combinar até 10 unidades, adaptándose así ás necesidades de distintos fogares. Cada Powerwall ten unha capacidade de 13,5 kWh, unha potencia de até 7 kW, unhas medidas de 1150 x 753 x 147 milímetros e un peso de 114 quilogramos.