Unha guía explica cómo converter unha PS3 nun PC con Linux

Os usuarios da PlayStation 3 de Sony poderán tirar mellor proveito da súa consola de videoxogos grazas a unha guía publicada en Popular Mechanics que explica paso a paso cómo instalar Linux na consola, de xeito que se pode converter nun PC plenamente operativo.
Na guía explican cómo ampliar o disco duro da consola e instalar unha versión de Ubuntu adaptada para a PS3, de xeito que pasaremos a contar cun arranque dual na consola, para poder elixir entre o sistema operativo orixinal e Ubuntu, dende o que se poden empregar aplicacións coma OpenOffice.org, Firefox e VLC, o que abre a ofimática, a navegación web e a reprodución multimedia máis completa á consola de Sony.