Xulio Ferreiro e Raúl Ordóñez participarán no vindeiro Coruña Bloggers
xoves, 18 de xaneiro do 2018
Esta semana comentamos que Xulio Ferreiro, alcalde da Coruña,
é o
sexto rexedor con máis seareiros en Facebook e Twitter de España segundo un
estudo, e casualmente veñen de desvelar dende Coruña Bloggers que Ferreiro será un dos
relatores da edición décimo cuarta deste encontro de blogueiros e entusiastas
en xeral das redes sociais e da tecnoloxÃa, para a que abrirase a inscrición de
balde o vindeiro luns.
Este encontro de carácter solidario, no que os asistentes en vez de pagar por
asistir acoden con alimentos non perecedoiros para achegar á Cociña Económica,
contará tamén con outro relator, Raúl
Ordóñez, consultor e formador TIC que estivo detrás da organización de
numerosos eventos como os Premios Bitácoras, interQué, e o que nos colle máis
preto, inLugo.
Ao abrirse a solicitude de inscricións ao evento darase conta das temáticas que
abordarán Ferreiro e Ordóñez neste encontro que leva recollidos máis de dous mil
quilogramos de alimentos durante as súas primeiras 13 edicións, de xeito que
agora teñen como reto chegar ás tres toneladas en 2018.