A Delegación da Xunta en Vigo estrea rede Wi-Fi pública
xoves, 7 de xuño do 2012
- María José Bravo Bosch, presentou esta mañá o novo servizo
A delegada
territorial da Xunta en Vigo, María José Bravo Bosch, presentou
esta mañá o novo servizo de tecnoloxía Wi-Fi que a Administración
autonómica achega aos cidadáns que veñan a facer os seus trámites ao edificio
da Xunta en Vigo. O obxectivo desta iniciativa é “incorporar e facilitar as novas tecnoloxías á vida ordinaria dos
usuarios e usuarias, e tamén dos profesionais, dunha forma rápida e áxil”.
Deste xeito, os cidadáns poderán acceder aos servizos prestados pola Xunta de
forma libre e sen ningún tipo de custo conectándose dende calquera tipo de
dispositivo móbil que dispoña de Wi-Fi.
A nova rede sen
fíos (xa implantada en Santiago, Lugo e Ourense) está operativa nas zonas do
edificio de Vigo onde se prevé a súa máxima utilización e unha maior afluencia
de público. Segundo estimacións da AMTEGA, o sistema poderá ser utilizado por
unhas 10.000 persoas ao ano cunha media de 50 usuarios ao día.
Aínda que o
acceso será libre e sen custo, contará coas restricións xa existentes a día de
hoxe e propias da Rede Corporativa da Xunta de Galicia. Bravo Boch detallou que
“existirá un filtrador de contidos para
garantir a seguridade no acceso”.