Dismedia celebra a súa segunda xornada de demostración o vindeiro 25 de setembro en Compostela
xoves, 5 de setembro do 2013
A empresa galega
Dismedia xa ten entre mans
unha nova xornada de presentación de tecnoloxÃas e servizos de seu
para o ámbito da docencia, logo
do concorrido encontro con profesores e técnicos celebrado no mes de
xullo en Compostela, no Centro Demostrador TIC. Pois ben, segundo
nos conta José Juan Nimo dende Dismedia, a nova cita será no mesmo
emprazamento, o vindeiro 25 de setembro, convocada en boa medida como
resposta ao elevado interese amosado polo público participante na
demostración primeira.
A xornada, que será
duplicada (en mañá e tarde, para que sexa máis cómodo para os
docentes), está especialmente dirixida (como a primeira xuntanza) a
directores, mestres, profesores de educación especial e outros
axentes relacionados coa educación. O encontro servirá entre outras
cousas para presentar a pantalla-encerado que non proxecta sombra
(PSS), a plataforma dixital Diodro (que facilita a xestión interna
de calquera centro educativo), o Escudo Web (protección na Rede para
o alumnado) ou o laboratorio de idiomas Roycan.