A Deputación de Ourense e a AMTEGA xuntan forzas a prol do Centro de Ciberseseguridade de Galicia

O presidente da Deputación, Luis Menor, recibiu no despacho do Pazo Provincial ao director da AMTEGA, Julián Cerviño, así como a persoal directivo deste organismo dependente da Xunta de Galicia. Logo do encontro de traballo, celebrado este 20 de maio, Menor transmitiu que esta reunión “serviu para continuar reforzando a alianza que manteñen a Deputación e AMTEGA a prol do desenvolvemento tecnolóxico da provincia, a través do Centro de Ciberseguridade de Galicia que se construirá na Tecnópole”.
Segundo dixo, o inicio das obras desta nova infraestrutura é inminente, "polo que o importante é planificar o seu contido, algo para o que a Deputación participará activamente nos obxectivos do mesmo".
Luis Menor sinalou que esta participación será visíbel en diversos eidos, “como por exemplo desenvolvendo os propios programas de ciberseguridade da institución provincial, prestando colaboración aos concellos”. Amais, fomentarase a colaboración público-privada, exercendo a Deputación un rol coordinador coas empresas provinciais. E, por último, Luis Menor salientou a2 dimensión educativa do Centro de Ciberseguridade, ampliando así a oferta da Facultade de Informática”.
Pola súa banda, Julián Cerviño recalcou que as administracións teñen que xogar un papel moi importante no eido da transformación dixital segura e a ciberseguridade nos municipios, "sobre todo porque as institucións provinciais teñen no seu ADN aos municipios, coa fin de achegar unha modernización tecnolóxica segura a todos os concellos. Por iso é fundamental a cooperación da Deputación para que desde a Xunta podamos desenvolver estes proxectos".