A Rede de Telecentros acolle en xuño un seminario de boas prácticas do CPETIG

No marco do convenio asinado coa Secretaría Xeral de Modernización e Innovación Tecnolóxica para colaborar co ente público en materia de novas tecnoloxías e Internet, o CPETIG vén de anunciar a celebración dunha serie de actividades no Seminario de Boas Prácticas en Xestión de Proxectos, que se desenvolverá en Santiago de Compostela o vindeiro 17 de xuño.
Os actos, que terán lugar no Telecentro da capital galega, serán retransmitidos por videoconferencia aos telecentros de A Coruña, Lugo, Ourense e Vigo e dende alí as persoas asistentes poderán participan no seminario realizando preguntas ou comentarios aos relatores.
O obxectivo deste seminario, que vai destinado a profesionais do sector TIC ou estudantes que desexen ampliar os seus coñecementos nesta materia, é presentar relatorios para afondar nos conceptos clave para a xestión de proxectos exitosos no eido da informática nun marco de referencia práctico, dando unha visión ampla ao traballo de enxeñeiros e analistas.
Para isto os relatores convidados, entre os que destacan José Luis Iparraguirre, Carlos G. Jardón, José Ramón Díaz e David Esmerodes, introducirán a visión das boas prácticas en xestión de proxectos en dous marcos metodolóxicos diferenciados: o modelo CMMI e as metodoloxías áxiles.
O seminario tamén contará coa presenza do INTECO a través de Iñigo Tomé, que dentro da súa presentación realizará unha exposición dos servizos que ofrece a entidade que representa.
O programa deste seminario, que é de balde para tódalas persoas asistentes, inclúe asemade estes outros relatorios:

15:30 h: Entrada e rexistro no telecentro
16:00 h: Presentación
16:10 h: A seguridade e as súas certificacións nas PEME. Os SXSI. Iñigo Tomé (INTECO) dentro da súa presentación, realizará unha exposición dos servizos que ofrece o Inteco.
17:00 h: As bases do axilismo: Os principios. David Esmerodes (responsable do grupo de axilismo en Galicia áxil-mente)
17:30 h: Os principios áxiles aplicados: Scrum. José Ramón Díaz (xefe de proxectos en Biko, membro de agile spain)
18:20 h: Descanso de 10 minutos.
18:30 h: A xestion de proxectos como pilar da calidade. Carlos G. Jardón (coordinador de proxectos de banca na Dirección Xeral de Outsourcing en Tecnocom, PMP e EMBA)
19:00 h: A mellora cuantitativa. José Luis Iparraguirre (é High Maturity Lead Appraiser, sendo o único español certificado para avaliacións dos niveis 4 e 5 de CMMI)
19:50 h: Despedida e peche.

Para inscribirse neste seminario, as persoas interesadas deberán cumprimentar unha inscripción, disponible na web do Colexio indicando ademáis dos seus datos, o telecentro ao que desexa asistir. O prazo de inscrición vai do 18 de maio ao 11 de xuño, e o formulario para inscribirse deberá ser remitido por e-mail a boaspracticas@cpetig.org co asunto Inscrición seminario boas practicas ou por fax ao 981 937 831.