Galaxia achega en descarga libre un relato do novo libro de Xosé Carlos Caneiro
martes, 21 de maio do 2013
No
vieiro de promover a nova obra de Xosé Carlos Caneiro, A
máscara de Ulises,
a Editorial Galaxia
habilitou na web de seu a posibilidade de descargarmos un dos seus
relatos, máis polo miúdo A
última memoria de Oliverio Twist.
Segundo informa o selo galego, os internautas poderán facerse con
este relato en liña, totalmente de balde, dende o apartado
específico do
O libro do mes.
O conto, engade Galaxia, serve de mostra da nova obra Caneiro, que
escolma por vez primeira algúns dos seus máis salientábeis
traballos breves.
Lembrar
que a sección O
libro do mes
é unha iniciativa web para permitir a lectura gratuíta
de parte dalgunhas das súas obras que se publican como novidades.
Estamos
pois, en palabras de Galaxia, ante “un
xeito diferente de permitir o acceso ás obras que saen do prelo e
que se achegan, así, dun xeito directo a todas e a todos os que
sintan curiosidade por un novo libro”