O xogo na nube de Xbox chega ao Fire TV Stick
xoves, 27 de xuño do 2024
Os xogos de Xbox levan uns anos podéndose gozar mediante streaming, chegando tamén a televisores e mesmo visores de VR, e para continuar a espallar a súa dispoñibilidade, anuncian hoxe que o xogo na nube de Xbox chega a dispositivos Fire TV Stick, moi populares para quen quere dotar de capacidades de Smart TV a vellos televisores.
Os subscritores de Xbox Game Pass poden agora gozar dos xogos de Xbox no televisor sen necesidade de consola de videoxogos, empregando directamente un Fire TV Stick e un mando Bluetooth (sendo especialmente recomendable o uso de mandos de Xbox ou PlayStation).
Os dispositivos compatibles son concretamente o Fire TV Stick 4K Max (2023) e o Fire TV Stick 4K (2023), que neste momento teñen un prezo de 79,99 e 69,99 euros respectivamente, aínda que é de esperar que co gallo do Prime Day teñan unha rebaixa importante (se atendemos a promocións anteriores, deberían ter un prezo de 50 e 40 euros respectivamente).
- Coa chegada ao Fire TV Stick o xogo na nube de Xbox mellora considerablemente a súa dispoñibilidade